Það liggur enginn vafi á því að bandaríski fatahönnuðurinn Vera Wang hafi fundið lykilinn að æskubrunninum.
Wang, sem fagnar 75 ára afmæli sínu á komandi vikum, birti myndir af sér við sundlaugarbakkann nú á dögunum og eru fylgjendur hennar gáttaðir á unglegu yfirbragði fatahönnuðarins, en Wang lítur ekki út fyrir að vera degi eldri en 25 ára.
Á myndunum er fatahönnuðurinn klæddur í hvítan sundbol, demantskreytta Miu Miu-sandala og með slegið hárið.
Tímalaust útlit Wang hefur ávallt vakið mikla athygli enda hvorki blettur né hrukka sýnileg á andliti hennar.
Wang hefur reglulega verið spurð út í unglegt útlit sitt og segir alltaf það sama; ræktin, svefn, McDonalds og sultufylltir kleinuhringir á Dunkin' Donuts.