Það er hluti af morgunrútínu fólks að fara í sturtu og eru ófáir sem fara í sínu einu baðferð á dag á morgnana. En það er ekki endilega besti tíminn til þess að fara í sturtu, sérstaklega ekki ef þú vilt hugsa um andlega líðan og góðan svefn.
Fram kemur á vef Express að það sé mat sérfræðinga að kvöldsturta geti bætt heilsu og daglegt líf fólks.
Í fyrsta lagi er það sagt hjálpa svefninum að fara sofa hreinn eftir sturtu. Heit sturta hjálpar að lækka hitastigið í líkamanum sem er eins og náttúrulegt merki um að líkaminn eigi að fara sofa.
Að fara alltaf í sturtu á kvöldin verður að reglu sem líkaminn þekkir. Hann veit þannig hvenær hann á að slökkva á sér. Í sturtunni þrífur manneskjan ekki bara af sér óhreinindi dagsins heldur líka áreitið og fer inn í rólegheitin. Þetta getur hjálpað til við að minnka stress og hjálpað andlegri heilsu.
Það skapast oft stress hjá fólki á morgnana þegar allir eru að reyna koma sér út á sama tíma og allir ætla að nota baðherbergið á sama tíma. Með því að fara frekar í sturtu á kvöldin en morgnana er búið að minnka morgunstressið aðeins.