Í gegnum tíðina hafa rannsóknir gefið til kynna að eitt glas af rauðvíni á dag gæti haft jákvæð áhrif á heilsuna. Nú segja vísindin annað.

Nýjasta rannsóknin bendir á töluverða galla sem leyndust í fyrri rannsóknum.

Í fyrri rannsóknum var verið að bera saman fólk sem drakk í hófi við það fólk sem þurfti að hætta að drekka af heilsufarslegum ástæðum eða vegna áfengisfíknar. Sá hópur var því í töluvert lakara ásigkomulagi.

„Með slíkum samanburði lítur fólk sem drekkur í hófi mun betur út heilsufarslega séð en viðmiðunarhópurinn,“ segir Tim Stockwell doktor hjá kanadíska háskólanum Victoria í viðtali við The Times en hann greindi um 107 rannsóknir um áhrif áfengis á heilsu.

„Um leið og fyrrum neytendur áfengis voru teknir úr menginu þá komu engin jákvæð tengsl á milli áfengisneyslu og heilsu. Það er í raun ekkert magn áfengis sem getur talist hollt fyrir mann.“

Tengdar fréttir

Heilsa og mataræði

Mataræðið sem gefur húðinni ljóma

• Leynihráefnið í uppáhaldspitsu Margrétar
• Guðdómlegir haustréttir Sollu og Hildar sem fanga bragðlaukana
• Heilsudrykkirnir hennar Unnar
• Vil ég raunverulega skilja eða er þetta breytingaskeiðið?

» Fleiri tengdar fréttir

• Blogga um frétt