Tónlistarmaðurinn Gauti Þeyr Másson, betur þekktur undir sviðsnafninu Emmsjé Gauti, hefur verið án áfengis í ár.

Í tilefni þess birti hann færslu á Instagram-reikningi sínum þar sem hann sendi ást og hlýju til fylgjenda sinna. 

„Í dag eru fimm ár síðan ég hætti að drekka. Fyrir mér snýst þetta um að láta sér líða vel, vinna í hlutunum og reyna að vera besta útgáfan af sjálfum sér. Ást til ykkar allra,“ skrifaði hann í færslunni og birti mynd af sér á Ingólfstorgi í miðbæ Reykjavíkur.

Tónlistarmaðurinn opnaði sig í einlægu viðtali við blaðamann Morgunblaðsins í desember 2023 þar sem hann ræddi meðal annars um ákvörðunina að hætta að drekka. 

„Mér hef­ur liðið alls kon­ar, en lífið breytt­ist mjög mikið. Ég sit miklu ör­ugg­ari í sjálf­um mér. Lík­am­leg­ir kvill­ar, eins og kvef og maga­verk­ir, hurfu. And­lega hliðin fór blúss­andi hátt upp, en það tók líka við sjálf­skoðun og það er ekk­ert auðvelt. Þannig að þetta hef­ur verið alls kon­ar en ég sé ekki eft­ir þeirri ákvörðun að hætta að drekka og mig lang­ar ekki í áfengi,“ sagði hann í viðtalinu.

Frétt af mbl.is

Ég sit öruggari í sjálfum mér

Smartland óskar honum til hamingju með áfangann!

Tengdar fréttir

Edrúland

Varð full átta ára gömul

• „Dag­ur­inn er sá al­versti sem ég hef upp­lifað“
• Margrét Gnarr hefur verið edrú í sex ár
• Hefur ekki snert áfengi í fimm ár
• Stærsti sigurinn að hætta að drekka

» Fleiri tengdar fréttir

• Blogga um frétt