Seigla, dugnaður og sjálfsharka er rík á meðal kvenna með ADHD (e. attention deficit hyperactivity disorder). Það er ekki óalgengt að konur með ADHD séu ómeðvitaðar um eigið ágæti og mæli virði sitt út frá því hversu miklu þær koma í verk, en þetta getur leitt til örmögnunar. 

Í fyrra settu þær Sigrún Jónsdóttir og Kristbjörg Kristjánsdóttir á laggirnar fræðslu og námskeið sem er sérstaklega ætluð konum með ADHD.

Frétt af mbl.is

„Þessar áskoranir eru mjög algengar í ADHD parasambandi“

Á dögunum birtu þær færslu með sex hagnýtum ráðum fyrir konur sem vilja forðast ADHD örmögnun. 

1. Gerðu hlutina á þinn hátt

„Notaðu styrkleikana þína og finndu hugrekkið til að gera hlutina öðruvísi. Þín leið er mögulega betri.“

2. Vertu nógu góð – ekki fullkomin

„Þegar við vorum litlar héldum við að við þyrftum að verða fullkomnar til að vera teknar ís átt. Í dag vitum við betur. Slepptu takinu!“

3. Taktu eftir hvaða einkenni þú maskar og sæktu þér stuðning

„Svo lengi sem áskoranir okkar eru faldar halda þær áfram að valda okkur sársauka og fylla okkur af skömm.“

4. Finndu út hvað hleður batteríin þín

„Ertu að finna sjálfri þér? Gerðu eitthvað í hverri viku sem gleður þig og bætir andlega líðan.“

5. Segðu oftar nei og njóttu þess að setja mörk

„Æfðu þig daglega í því að segja nei! Og segði bara já ef svarið er: „Ja-há!“.“

6. Sýndu sjálfri þér mildi og ást

„Leggðu frá þér svipuna og vertu í klappliðinu þínu. Niðurbrot og sjálfsgagnrýni býr til kvíða og brotna sjálfsmynd.“

Tengdar fréttir

Andleg heilsa

Listaverk unnin í maníu og depurð

• „Ég vildi að ég hefði hitt fólk í svipuðum sporum“
• Ertu aðeins fimm mínútum frá vellíðan?
• „Ég lenti á hinum margumtalaða vegg og brotlenti“
• „Ég held að kannabis eigi eftir að koma mjög sterkt inn sem lyf fyrir konur“

» Fleiri tengdar fréttir

• Blogga um frétt