Aukin hreyfing gæti verið lykillinn að betri líðan samkvæmt nýlegri rannsókn sem birtist á vef National Library of Medicine, en hún leiddi í ljós að aðeins tíu mínútur af hreyfingu geti bætt líðan.

Þátttakendur í rannsókninni voru 94 talsins, en þau voru öll háskólanemar og báru hreyfimæli á sér ásamt því að segja frá líðan sinni nokkrum sinnum á dag yfir sjö daga tímabil. Þannig skoðuðu rannsakendur hvaða áhrif það hafði á líðan þeirra að skipta út kyrrsetu fyrir hreyfingu.

Rannsóknin leiddi í ljós að það að skipta kyrrsetu út fyrir hreyfingu í aðeins tíu mínútur leiddi til betri líðan, meira að segja þegar hreyfingin var létt, eins og mjúkar teygjur eða það að standa upp og ganga um húsið.

Þá kom einnig í ljós að miðlungs- til erfið ákefð, eins og hröð ganga, dans eða hjólreiðar, höfðu mestu áhrifin þegar kom að því að bæta líðan. Þá benda niðurstöður til þess að með því að skipta kyrrsetu út fyrir hreyfingu reglulega sé hægt að hafa jákvæð langtímaáhrif á líðan. Jafnvel tíu mínútna göngutúr eða stutt æfing getur breytt líðan til hins betra.

Hreyfing bætir andlega vellíðan

Læknirinn Gabrielle Lyon deildi niðurstöðum úr rannsókninni með fylgjendum sínum á Instagram og skrifaði: „Þar sem einn af hverjum fimm fullorðnum í Bandaríkjunum glímir við geðheilbrigðisvandamál, eins og þunglyndi, á hverju ári, er mikilvægara nú en nokkru sinni fyrr að finna einfaldar leiðir til að bæta líðan okkar. 

Hreyfing getur verið öflugt tæki – hvort sem það er hröð ganga, stuttar teygjur eða smá æfing, þá hafa rannsóknir sannað að hreyfing bætir andlega vellíðan. Samkvæmt nýlegri rannsókn getur jafnvel það að skipta út kyrrsetu fyrir hreyfingu í tíu mínútur bætt líðan. Og það sem er best? Því ákafari sem hreyfingin er, því meiri áhrif á líðanina!“

Tengdar fréttir

Heilsurækt

Svona er morgunrútínan hjá Kleina

• „Mér var ekkert sérstaklega illa við þessi aukakíló“
• Er gerjaða plóman nýjasta heilsuæðið?
• Hreppti þrjá Íslandsmeistaratitla eftir þrettán ára pásu og fjögur börn
• „Mikilvægt að fara ekki út í öfgar með heilsu“

» Fleiri tengdar fréttir

Andleg heilsa

Þeir sem þola ekki kæki gætu þjáðst af misokinesia

• Er vont að vera einhleypur of lengi?
• Þegar fólk leitar frekar til miðla en sálfræðinga
• Listaverk unnin í maníu og depurð
• „Ég vildi að ég hefði hitt fólk í svipuðum sporum“

» Fleiri tengdar fréttir

• Blogga um frétt