Breki Logason fréttastjóri á Stöð 2 og Védís Sigurðardóttir hafa sett íbúð sína við Nóatún á sölu. Íbúðin er uppgerð og nútímaleg. Breki og Védís hræðast ekki liti en á nokkrum stöðum í íbúðinni er skærgulur litur sem lífgar svo sannarlega upp á heimilið. Auk þess er að finna margar sniðugar hugmyndir eins og að raða Lakk-hillum upp á miðjan vegginn og búa þannig til hilluvegg. Íbúðin er tæplega 83 fm og er í húsi sem byggt var 1955. Í eldhúsinu er nýleg hvít sprautulökkuð innrétting og baðherbergið er flísalagt í hólf og gólf.