Í for­stof­unni er sér­smíðaður bekk­ur og fata­skáp­ar. Ljós­mynd/​Gunn­ar Sverris­son

„Hanna Stína var að vinna fyr­ir okk­ur í annað sinn og þekkti stíl­inn okk­ar vel. Því hafa hug­mynd­ir okk­ar og henn­ar slíp­ast vel sam­an í þessu húsi,“ seg­ir hús­móðirin.

Þegar inn í húsið er komið tek­ur sjarmer­andi for­stofa við með brún­um skáp­um úr hnotu og fal­leg­um bekk. Bakið á bekkn­um er bólstrað upp í loft. For­stof­an og gang­ur­inn eru aðskil­in með renni­h­urð sem er einnig úr hnotu. Eng­ar höld­ur eru á tré­verk­inu í hús­inu held­ur eru hurðir opnaðar með inn­byggðum grip­um. Stig­inn niður á neðri hæðina er áber­andi en vegg­ur­inn meðfram stig­an­um er klædd­ur með trél­ista­verki sem Hanna Stína hannaði í sam­ráði við hús­ráðend­ur og smið. Verkið er úr sprautu­lökkuðu mdf-i og minn­ir einna helst á stuðlaberg.

Hér mæt­ist hnota og steinn­inn á borðplöt­unni með geirsk­urði. Ljós­mynd/​Gunn­ar Sverris­son

„Ætli þessi vegg­ur hafi ekki verið mesti haus­verk­ur­inn en hann var tölu­vert lengi í fæðingu. Vegg­ur­inn átti að vera eins og lista­verk. Ég er mjög ánægð með út­kom­una enda er vegg­ur­inn eins og risa­stórt lista­verk,“ seg­ir Hanna Stína.

Hanna Stína fékk verk­efnið á meðan arki­tekt­inn Björg­vin Hall­dórs­son var að klára við að teikna húsið. Eig­andi húss­ins er bygg­inga­verktaki og seg­ir Hanna Stína að sam­starfið hafi verið afar far­sælt þar sem hann hafi keyrt það áfram af mik­illi rögg­semi.

Eld­húsið og stof­an tengj­ast á efri hæðinni. Í eld­hús­inu mæt­ast hnota og sprautulakkaðar inn­rétt­ing­ar. Hanna Stína seg­ist sjald­an hafa gert aðra eins eyju og sé í eld­hús­inu. Hún bend­ir á að eyj­an sé sér­stök að því leyt­inu til að steinn­inn á borðplöt­unni mæti hnotu og var geirsk­urður notaður til að full­komna verkið. Í eld­hús­inu er líka einn vegg­ur sem vegg­fóðraður er með leður­vegg­fóðri. Hanna Stína hnaut um vegg­fóðrið sem er frá Élit­is á hús­gagna­sýn­ingu í Par­ís og pantaði það í gegn­um Bólstr­ann á Lang­holts­vegi. Hús­móðirin á heim­il­inu valdi lit­inn en hann pass­ar ákaf­lega vel við hnot­una og hvítu sprautu­lökkuðu inn­rétt­ing­arn­ar. Meðfram sægræna veggn­um er skenk­ur þannig að skápapláss er ansi ríf­legt í eld­hús­inu.

Tvö Noguchi borð úr Penn­an­um og tvö Secto ljós úr Mód­ern spila vel á móti hús­gögn­um frá Alter London. Ljós­mynd/​Gunn­ar Sverris­son

Fyr­ir fram­an eld­húsið er eld­hús­borð/​borðstofu­borð úr eik. Glugg­arn­ir í borðstof­unni og stof­unni ná niður í gólf sem hent­ar vel því úr hús­inu er út­sýni yfir Kópa­vog og all­an fjalla­hring­inn. Í stof­unni eru tveir leður­sóf­ar sem Hanna Stína lét sér­smíða í Lund­ún­um hjá fyr­ir­tæk­inu Alter London. Borðstofu­stól­arn­ir koma líka frá sama fyr­ir­tæki og líka bar­stól­arn­ir í eld­hús­inu.

Heima­skrif­stof­an er huggu­leg. Legu­bekk­ur­inn er frá Alter London. Ljós­mynd/​Gunn­ar Sverris­son

Í stof­unni eru tvö Noguchi-borð sem fást í Penn­an­um og tvö Secto-ljós úr Mód­ern. Þetta fer allt ákaf­lega vel við par­ketið sem kem­ur frá Agli Árna­syni.

„Ég er mjög ánægð með út­kom­una og heild­ar­mynd­in spil­ar vel sam­an. Það er alltaf gam­an að fá að hanna bæði inn­rétt­ing­ar og velja hús­gögn inn á heim­ili,“ seg­ir Hanna Stína.