Hildur Björnsdóttir selur Vatnsstíginn

Hildur Björnsdóttir lögfræðingur hefur sett glæsilega íbúð sína við Vatnsstíg á sölu. Íbúðin er öll nýuppgerð með eitursvölum innréttingum. Íbúðin sjálf er 98 fm að stærð en húsið var byggt 1929. 

Eldhús og stofa renna saman í eitt. Svört innrétting prýðir eldhúsið og í því er létt eyja sem setur svip sinn á rýmið. Á gólfunum er parket og hátt til lofts. 

Ekkert óþarfa prjál er að þvælast fyrir íbúðinni heldur er nýtískulegum húsgögnum komið fyrir á heillandi hátt. Íbúðin er máluð í ljósgráum tón sem fer vel við svartar innréttingar. 

Af fasteignavef mbl.is: Vatnsstígur 3b