Vöruhönnuðurinn Ragnheiður Ösp Sigurðardóttir sýnir nýja línu af ofnum bómullarteppum í Aurum, Bankastræti. Teppin eru prýdd mynstrum sem eru unnin út frá mælingum Veðurstofu Íslands og má því segja að þau séu innblásin af íslenskri veðráttu.

Teppin segja sögur um veðurfar á fjórum mismunandi stöðum, eða magn sólar í Reykjavík árið 1949, meðalhita á Keflavíkurflugvelli árið 1969, magn snjófalls á Akureyri árið 2015 og magn regnfalls á Höfn í Hornafirði árið 1993.