Hjónin Hannes Þór Halldórsson landsliðsmaður í fótbolta og Halla Jónsdóttir festu kaup á raðhúsi í Ljósalandi 23 í Reykjavík. Húsið er vandað og gott, byggt 1971 og er 227 fm að stærð. Húsið er innst í götunni og á pöllum. 

Áður áttu hjónin íbúð við Stóragerði sem er líka í 108 Reykjavík líkt og Ljósaland. Þeir sem þekkja til í Fossvoginum vita að hús þeirra er vel staðsett. Það er í næstneðstu götu fyrir neðan Bústaðakirkju en þar ríkir ró og friður fyrir bílaumferð og þar er veðursæld mikil.