Oliver Luckett fisksali og listaverkasafnari festi kaup á Kjarvalshúsinu, Sæbraut 1, árið 2016. Nú er húsið komið á sölu. Verð er ekki uppgefið en fasteignamat hússins er 178.500.000 kr.

Húsið er 442 fm að stærð og var byggt 1969 en það var gjöf til Jóhannesar Kjarval listmálara sem flutti þó aldrei inn í það. 

Síðan Luckett flutti inn á Sæbraut hafa mikil veisluhöld átt sér stað í húsinu. Eða fullmikil fyrir smekk íbúa götunnar sem hafa kvartað mikið undan ónæði og endalausum hátíðahöldum. 

Húsið hefur verið málað að innan síðan það skipti um eigendur síðast en sömu innréttingar eru í eldhúsi, sömu flísar á gólfum og sama parket á gólfum nema það hefur verið pússað upp og lakkað. 

Eins og sjá má á myndunum á Luckett skrautlegt og skemmtilegt innbú sem lífgar upp á einfaldan arkitektúr hússins. 

Af fasteignavef mbi.is: Sæbraut 1