Við Smyrilshlíð stendur glæsileg íbúð sem er 226 fm að stærð. Hátt er til lofts og vítt til veggja en lofthæðin er 280 cm.
Í eldhúsinu er súkkulaðibrún innrétting frá danska fyrirtækinu JKE. Á borðplötunum er dökkur quartz-steinn frá Granítsmiðjunni. Eldhúsið er opið inn í stofu og til að setja punktinn yfir i-ið svartur háfur yfir helluborðinu.
Á gólfunum er harðparket sem heitir Studioline og er með fiskibeinamunstri. Parketið kemur frá Parka.
Stofan sjálf er rúmgóð og býður upp á mikla möguleika þegar kemur að uppröðun á húsgögnum og skrautmunum.