Við Nesbala 118 á Seltjarnarnesi hefur fjölskylda búið sér einstakt heimili. Stíllinn er persónulegur og heillandi. Eigandi hússins er Olga Hrafnsdóttir hönnuður. 

Raðhúsið við Nesbala er 251 fm að stærð og var byggt 1980. Húsin á þessum stað eru eftirsótt því engin byggð er fyrir neðan, bara mói og sjór. 

Í eldhúsinu eru fallegar innréttingar frá HTH og er steinn á borðplötunum. Þótt innréttingin sé frekar einföld er stemningin keyrð upp með litríkum ljósum, listaverkum, stólum, fallegu eldhúsborði og hillum. 

Inni í stofu er svo sannarlega hægt að láta fara vel um sig. Þar er hægt að sitja við arineld og hugsa um næstu skref í lífi sínu eða bara flatmaga í sófanum yfir góðri bók. 

Heildarmynd heimilisins er heillandi eins og sést á myndunum. 

Af fasteignavef mbl.is: Nesbali 118