Við Tjarnarstíg 11 á Seltjarnarnesi stendur fallegt gult hús sem var í eigu Guðna Th. Jóhannessonar forseta Íslands og Elizu Reid forsetafrúar. Nú er það komið í eigu Elísabetar Ölmu Svendsen og Daníels Bjarnasonar. Hún er hönnuður og hann tónlistarmaður. 

Guðni og Eliza festu kaup á húsinu 2015 en fluttu úr því þegar hann varð forseti Íslands og fjölskyldan flutti búferlum á Bessastaði. 

Frétt af mbl.is

Guðni og Eliza selja einbýlishúsið á Seltjarnarnesi

Lesendur þekkja handverk Elísabetar Ölmu og Daníels en áður bjuggu þau við Miðbraut 29 á Seltjarnarnesi. Þau gerðu húsið upp á smekklegan hátt en Elísabet Alma er hönnuðurinn í sambandinu. Eldhúsið skartar blárri innréttingu sem fer vel við fiskibeinamunstrið á parketinu og drápuhlíðargrjótið sem prýðir arininn. Það sem er heillandi við húsið er að það er ekki eins og hjá öllum hinum. Það eru aðrir litir, önnur form og ekki hægt að segja annað en það búi yfir ferskleika. 

Frétt af mbl.is

Elísabet og Daníel selja glæsihús á Seltjarnarnesi

Elísabet Alma og Daníel eru nú þegar byrjuð að taka til hendinni á Tjarnarstíg og er húsið akkúrat núna næsti bær við að vera fokhelt. Hægt er að fylgjast með framkvæmdunum í beinni á instagramsíðunni Lísa í framkvæmdalandi: 

Tengdar fréttir

Heimili

Kastali Quang Le kominn á sölu

• Mætti bjóða þér að búa í bílastæði?
• Einar Hugi keypti 430 milljóna einbýli
• Haukur og Ragnheiður selja fyrirmyndarhæð við Hjálmholt
• Heimir selur 160 milljóna þakíbúð

» Fleiri tengdar fréttir

• Blogga um frétt