Lilja Alfreðsdóttir, mennta- og menningarmálaráðherra, er þekkt fyrir að klæðast fallegum kjólum. Á dögunum klæddist hún smart gallakjól og minnti á Kára Stefánsson forstjóra Íslenskrar erfðagreiningar í leiðinni en hann er þekktur fyrir að vera mikill aðdáandi gallafatnaðar. 

Lilja stillti sér upp fyrir ljósmyndara Morgunblaðsins í tengslum við frumsýningu heimildarmyndarinnar Lesblinda eftir Sylvíu Erlu Melsted.

Lilja var klædd í gallakjól frá franska merkinu Paule Ka en við kjólinn var hún í ljósum sokkabuxum og ljósum skóm til þess að lengja leggina. 

Kári Stefánsson er þekktur fyrir að klæðast gallafatnaði hvort sem það eru skyrtur, buxur eða jakkar. Gallaefnið gerir fín föt aðeins hversdagslegri og er kjóll Lilju gott dæmi um það.