Við Furulund í Garðabæ má finna afar áhugavert heimili. Að utan vekur húsið strax athygli þar sem það er skreytt krosslaga gluggum. Um er að ræða 214 fermetra hús með fjórum svefnherbergjum og tveimur baðherbergum. 

Í anddyri og á stofu eru magnaðar stuðlabergsflísar frá Steinkompaníi og í stofunni stendur stærðarinnar arinn sem fangar augað. Seljandi hannaði arininn sjálfur og var hann smíðaður í Velsmiðjunni Héðni. 

Hjónaherbergið er eflaust það rými í húsinu sem fangar athygli flestra, enda í heldur óhefðbundnum stíl. Þar er að finna hjónarúm úr stuðlabergi sem S. Helgason útvegaði. Steinteppið í hjónabergið er sérvalið úr Stokksnesfjöru við Hornafjörð.

Fallegt útsýni er úr húsinu yfir Skerjafjörð, Garðabæ og til norðurs að Esju.

Af fasteignavef mbl.is: Furulundur 9