Hjónin Sólveig Eiríksdóttir, oft kennd við Gló, og Elías Guðmundsson, eigandi Héðinn Kitchen & bar, hafa sett einstakt einbýlishús sitt í miðbæ Hafnarfjarðar á sölu. Húsið sem stendur við Vesturgötu 10 er 219 fermetrar og er ásett verð 137 milljónir. 

Solla og Elli hafa sett svip sinn á húsið sem prýddi forsíðu tímaritsins Húsa og híbýla fyrir nokkrum misserum. Á efri hæðinni er stórt og bjart alrými þar sem stofa, eldhús og borðstofa mætast. Eins og við er að búast fær eldhúsið að njóta sín en sérsmíðuð innrétting úr reyktri eik er í eldhúsinu og innan af því er sérsmíðað vinnurými. 

Fallegt útsýni út á sjó er úr húsinu. Úr stofunni er gengið út á pallinn sem er með heitum potti, gufubaði og skjólgóðu setusvæði með yfirbyggðu skyggni. 

Af fasteignavef mbl.is: Vesturgata 10