Helga Ólafsdóttir fatahönnuður og framkvæmdastjóri 1881 hefur sett huggulega íbúð sína í Garðabæ á sölu. Um er að ræða 113 fm íbúð sem er vel skipulögð. Blokkin sjálf var byggð 2004.
Íbúðin er í Sjálandshverfinu í Garðabæ sem er mjög eftirsótt.
Í eldhúsinu er ljósgráfjólublá innrétting með viðarborðplötum og höldum úr leðri. Við eldhúsið er borðkrókur með gluggum sem ná niður í gólf og tengjast stofa og borðkrókur saman.
Heimili Helgu er smekklega innréttað en þar er að finna marga skemmtilega muni sem raðast vel saman.