Ágúst Ólafur Ágústsson fyrrverandi varaformaður Samfylkingarinnar og Jóhanna Bryndís Bjarnadóttir formaður Tannlæknafélagsins hafa fest kaup á glæsihúsi á Seltjarnarnesi. 

Um er að ræða 275 fm einbýli við Fornuströnd 19. Húsið var byggt 1978 og er fasteignamat þess 120.600.000 kr. 

Parið hnaut hvort um annað fyrir rúmu ári og hefur sambandið þróast svo vel að nú hafa þau fest kaup á húsi. 

Það ætti ekki að væsa um fjölskylduna í húsinu en það stendur hátt í götu með vönduðu útsýni yfir Esjuna. Auðvelt er að anda að sér fersku lofti með því að labba meðfram strandlengjunni, fara í fótabað úti á Gróttu og njóta lífsins.