Kvikmyndaframleiðandinn Sigurjón Sighvatsson og eiginkona hans, Sigríður Þórisdóttir kennari og sálfræðingur, hafa sett sína einstöku íbúð við Engjateig á sölu.

Ekki er um neitt hefðbundið heimili að ræða heldur íbúð með mikilli lofthæð og sérhönnuðum innréttingum eftir Steve Christer, arkitekt á Studio Granda. Hann er einn virtasti arkitekt landsins og margverðlaunaður en arkitektastofuna rekur hann ásamt eiginkonu sinni Margréti Harðardóttur. Saman hafa þau hannað og fegrað umhverfi landsmanna þannig að eftir er tekið. 

Heimili Sigurjóns og Sigríðar er þakið listaverkum eftir þekkta listamenn sem fara vel við vönduð húsgögn. Í stofunni er til dæmis Svanasófi eftir Arne Jacobsen. Hann er úr leðri sem þykir mikið dýrindi. Hann fer vel við önnur húsgögn og listaverk í rýminu. 

Þótt stofan sé rík af fegurð og vel heppnuðum pælingum í uppröðun á húsgögnum þá er hjónaherbergið líklega herbergi hússins. Það er að segja ef keppnin um flottasta rýmið væri í gangi. Þar er mjög hátt til lofts, glerskáli, ísskápur, þægilegir stólar og vaskur. Öll uppröðun á munum í þessu rými er einstök. 

Það ætti kannski ekki að koma landsmönnum á óvart að íbúðin sé vel heppnuð því ferill hjónanna hefur einkennst af miklum dugnaði, fegurð og snerpu. Nú bíða þeirra ný tækifæri á nýju heimili eða þangað til einhver lánsöm lifandi vera festir kaup á þessari perlu. 

Af fasteignavef mbl.is: Engjateigur 19