Gerður Huld Arinbjarnardóttir eigandi Blush hefur sett einbýlishús sitt í Kópavogi á sölu. Lesendur Smartlands þekkja heimilið ágætlega eftir að Gerður var gestur í þættinum Heimilislíf.
Gerður hefur búið lengi í húsinu en það var byggt af móður hennar og föður og til að byrja með átti hún bara sitt unglingaherbergi í húsinu. Smátt og smátt keypti hún sig inn í húsið. Bjó fyrst í íbúð á neðri hæðinni en svo var hún búin að eignast það mikið í húsinu að hún flutti á efri hæðina og faðir hennar á neðri hæðina.
Húsið er 404 fm að stærð. Það var byggt 2008. Úr húsinu er fallegt útsýni yfir náttúru Kópavogs þar sem stutt er í fallegar gönguleiðir.