Fallegt heimili með fallegum hlutum er eitthvað sem margir þrá að eiga. Það koma tískubylgjur í innanhússtíl rétt eins og öllu öðru. Hjarðhegðun er líka eitthvað sem á sér stað og veldur því að mörg heimili virðast eins. Smartland tók saman lista um hluti sem finna má á mörgum íslenskum heimilum. Er eitthvað af þessu heima hjá þér?
Skel blómavasi frá Ferm Living
Skel blómavasinn frá Ferm Living er heitasta gjöfin í dag. Enda er vasinn ákaflega fallegur og í óhefðbundnu formi.
New Wave veggljós
Veggljósið frá snúrunni rauk út eins og heitar lummur þegar það kom fyrst til landsins og íslendingar fjölmenntu biðlista eftir þessu fallega ljósi.
String hillur
Sting hillurnar eru klassískar og einfaldar enda hafa þær verið í tísku í fjölda ára. Það er hægt að setja hillurnar saman á ýmsa vegu og þær eru líka til í fjölbreyttum litum.
Vittsjö hillur
Hillueiningarnar frá Ikea hafa staðið fyrir sínu í mörg ár. Klassísk og einföld hönnun sem býður upp á fjölda möguleika til notkunar.
Stockholm frá Ikea
Stockholm línan frá Ikea hefur heillað landann. Hér má sjá fallegan skenk úr þeirri línu sem leynist á mörgum íslenskum heimilum.
Bestå skápar
Elsku bestu Bestå skáparnir, þeir eru fjölbreyttir í stærð, litum og áferðum. Þessir skápar nýtast í mörgum herbergjum hússins og auðvelt að búa til BESTA skáp sem hentar þínum þörfum.
Hringspegill
Það eru líklega ófá heimilin sem eru ekki með hringspegil í dag og þú ert nú varla maður með mönnum ef það vantar einn slíkan á þitt heimili.
Ferm spegill
Nýjasta spegla tískan á Íslandi eru þessir speglar frá Ferm Living. Það má sjá hann á fleiri heimilum og fólk er duglegt að deila myndum af þessum spegli á samfélagsmiðlum hjá sér.
Snúin kerti
Venjuleg kerti eru úti, þessi snúnu kerti gefa kertastjökunum fallegra og meira spennandi útlit en þessi venjulegu.
Ittala
Það eiga líklega allir og amma þeirra Iittala vörur. Spurning er bara er límiðinn ennþá á þinni vöru?
Brúnir sófar
Koníaksbrúnir sófar hafa notið gríðarlegra vinsælda síðastliðið árið. Það er ekki að furða því sófarnir eru einstaklega fallegir og setja svip sinn á hverja stofu.
Vanilla Black frá Areon
Ilmstangirnar frá Areon hafa verið gríðarlega vinsælar upp á síðkastið og er varla það heimili á landinu sem lyktin hefur ekki fundist á. Ilmurinn er líka ákaflega seiðandi og heillandi.
Reflections Copenhagen
Kertastjakarnir frá Reflections Copenhagen hafa komið sterkir inn á íslensk heimili undanfarna mánuði. Kertastjakarnir eru litríkir og skemmtilegir og brjóta upp litapallettuna á gráustu heimilum.
Söderhamn sófinn
Af fasteignavef mbl.is að dæma er Söderhamn sófann frá Ikea að finna á að minnsta kosti þriðja hverja heimili á landinu. Hægt er að setja sófann saman á mismunandi vegu og hægt er að velja um fjölbreytt áklæði.