Myndlistarkonan Rakel Tómasdóttir hefur sett íbúð sína við Grettisgötu í Reykjavík á sölu. Íbúðin er 43 fm að stærð og er í fjórbýlishúsi sem byggt var árið 1913.
Íbúðin er fallega innréttuð, en í stofunni má sjá undurfögur verk eftir Rakel sem gefa rýminu án efa mikinn sjarma. Íbúðin skiptist í forstofu, baðherbergi, eldhús, stofu og svefnherbergi.
Í eldhúsinu má sjá silfraða innréttingu sem tónar sérlega vel við kalkáferð veggjanna. Eldhúseyja með svartri borðplötu skilur að eldhús og stofu, en í stofunni hefur verið komið fyrir notalegu vinnurými ásamt sjónvarpsaðstöðu.