Smartland Mörtu Maríu | Heimili og hönnun | mbl | 10.8.2023 | 22:00

Upplýsingafulltrúinn og markþjálfinn selja stórhýsið

Eldhús og stofa renna saman í eitt á bráðskemmtilegan hátt. Ljósmynd/Samsett

Hjónin Breki Logason upplýsingafulltrúi Orkuveitu Reykjavíkur og Védís Sigurðardóttir stjórnendamarkþjálfi hafa sett raðhús sitt á sölu. Ráðhúsið er við Laugalæk í Reykjavík og er einstaklega skemmtilega innréttað. Það eru ekki bara innréttingar sem iða af ferskleika heldur er öll uppröðun á húsgögnum frískleg.

Húsið er 174 fm og var byggt 1960 og hefur húsið verið endurnýjað mikið. Eldhús og stofa eru í sameiginlegu rými. Í eldhúsinu eru innréttingar frá HTH með eikarlituðum hurðum að hluta til. Stíllinn er svolítið danskur og minnir á eldhúsin sem stundum birtast í Bo Bedre. Á móti eikinni eru hurðar, sem ná upp í loft, með sprautulakkaðri áferð. Absolute White Quartz steinn er á borðplötunum.

Horft úr stofunni inn í eldhús og upp stigann.

Á gólfunum er harðparket sem er lagt með fiskibeinamunstri.

Í stofunni er gott samspil á mill húsgagna, listaverka og fallegra muna sem prýða heimilið.

Árið 2014 flutti Smartland frétt af því Breki og Védís hefðu sett íbúð sína við Nóatún á sölu og er marka má þessar sjö ára gömlu myndir þá hefur smekkur hjónanna breyst töluvert og þroskast.