Tekjublað Frjálsrar verslunar var að koma út. Þar kemur fram að Hannes Steindórsson, fasteignasali hjá Lind, sé launahæsti fasteignasali landsins. Hann var með 1,9 milljónir á mánuði í fyrra. Hannes var einn af eigendum fasteignasölunnar Lindar en hann seldi hlut sinn í fasteignasölunni til fjárfestingafélagsins IREF í júní síðastliðnum. Greint er frá þessu í vb.is en hægt er nálgast Tekjublað Frjálsrar verslunar hér.

Helgi Jón Harðarson, sölustjóri á fasteignasölunni Hraunhamri var einnig með 1,9 milljónir á mánuði á síðasta ári. Einar Páll Kjærnested, fasteignasali hjá Fasteignasölu Mosfellsbæjar, var með 1,7 milljónir á mánuði í fyrra. 

Tíu tekjuhæstu fasteignasalarnir:

1. Hannes Steindórsson, fasteignasali, Lind - 1.9 milljónir
2. Helgi Jón Harðarson, sölustjóri Hraunhamars - 1.9 milljónir
3. Einar Páll Kjærnested, fasteignasali, Fasteignas. Mosfellsb. - 1.7 milljónir
4. Daði Hafþórsson, fasteignasali, Eignamiðlun - 1.6 milljónir
5. Þórarinn Arnar Sævarsson, fasteignasali, RE/MAX - 1.5 milljónir
6. Arnar Birgisson, framkvæmdastjóri, Eignaver - 1.4 milljónir
7. Þórey Ólafsdóttir, fasteignasali, Landmark - 1.4 milljónir
8. Jason Guðmundsson, fasteignasali, Miklaborg - 1.4 milljónir
9. Eiríkur Svanur Sigfússon, fasteignasali, Ás - 1.4 milljónir
10. Freyja Margrét Sigurðardóttir, fasteignasali, Hraunhamar - 1.3 milljónir