Björg Bergsveinsdóttir, fjárfestir og eiginkona Eggerts Dagbjartssonar viðskiptamanns, hefur sett 202 fm íbúð sína við Bryggjugötu á sölu. Björg er búsett í Bandaríkjunum ásamt Eggerti, sem hefur verið reglulega í fréttum hérlendis vegna fjárfestina. Hann er til dæmis einn af þeim sem kom að byggingu á Edition hótelinu sem er við Hörpu.
Björg festi kaup á íbúðinni við Bryggjugötu í 9. mars 2022 en nú er íbúðin komin á sölu. Íbúðin er einstaklega vönduð og smart með gluggum á þremur hliðum. Ekkert var til sparað þegar íbúðin var innréttuð en þar er að finna hnotuinnréttingar frá ítalska handverkshúsinu Gili Creations. Í eldhúsinu er kvartssteinn á borðplötum og falleg eyja sem aðskilur eldhús frá stofu.
Fjallað hefur verið um fasteignakaup hjónanna á Smartlandi nokkrum sinnum. Árið 2016 kom fram að hjónin byggju í afar glæsilegu húsi sem gert hafði verið upp af arkitektastofunni Atelier sem er í eigu Björns Skaftasonar.
Björg á einnig íbúðir við Vatnsstíg 16-18. Þar á meðal 312 fm íbúð á efstu hæð sem þykir víst með þeim flottari á landinu en hún festi kaup á íbúðinni 2013.