Tónlistarkonan Guðrún Ýr Eyfjörð, betur þekkt sem GDRN, og sambýlismaður hennar Árni Steinn Steinþórsson hafa sett íbúð sína í Árbænum á sölu. Íbúðin sem er staðsett í Hraunbænum er 106 fermetrar og er ásett verð 59,9 milljónir. 

GDRN og Árni Steinn keyptu íbúðina árið 2021 en ári seinna eignuðust þau sitt fyrsta barn. Í Íbúðinni eru þrjú svefnherbergi, þar á meðal eitt ofurkrúttlegt barnaherbergi. Gott hjónaherbergi er einnig í íbúðinni sem og notaleg skrifstofa. 

Parið hefur komið sér vel fyrir í Hraunbænum og leyft upprunalegri eldhúsinnréttingu að njóta sín í bland við tekkhúsgögn og hönnunarmuni. Á heimilinu er að sjálfsögðu píanó fyrir fullorðna fólkið sem og litla smáfólkið. 

Af fasteignavef mbl.is: Hraunbær 196