Einbýlishúsin í Fossvogi eru eftirsótt en á dögunum var húsið við Haðaland 1 selt. Um er að ræða 226 fm einbýli sem reist var 1968. Húsið var í eigu Ölmu Aspar Arnórsdóttur og Snorra Freys Fairweather. Þau festu kaup á húsinu 2021 og gerðu það upp á einstakan hátt.
Eldhúsið er eins og á fimm stjörnu hóteli með marmarklæddri eyju og marmaraklæðningu á vegg fyrir ofan vaskinn. Innréttingarnar í eldhúsinu eru úr bæsaðri eik. Loftgluggi er fyrir ofan eldavélina í eyjunni og vaskinn og því er svolítið eins og himnarnir hafi opnast ef vel viðrar í Fossvoginum.
Í eldhúsinu er bekkur með fallegum pullum og lítið hringborð sem getur skapað notalega kaffihúsastemningu.
Nú hefur húsið verið selt. Nýir eigendur eru Edda Valdimarsdóttir Blumenstein og Leifur Hreggviðsson. Þau greiddu 269 milljónir fyrir húsið.
Smartland óskar þeim hjartanlega til hamingju með nýja húsið!