Viðskiptakonan Sigrún Ragna Ólafsdóttir hefur sett einstaklega smekklegt og smart einbýlishús við Miðhús í Reykjavík á sölu. Húsið er í eigu hennar og eiginmanns hennar, Eiríks Jónssonar. 

Um er að ræða 206 fm einbýlishús sem byggt var 1989. Það var teiknað af Sigurði Halldórssyni hjá Glámu Kím arkitektastofunni. Húsið er úr sjónsteypu sem gerir það eftirsóknarvert og sérstakt um leið. Allir gluggar í húsinu eru úr oregon pine og er gegnheilt zink á þaki. Garðurinn í kringum húsið er vel skipulagður en hann var hannaður af Pétri Jónssyni landslagsarkitekt. 

Húsið var endurnýjað mikið að innan 2011 og er þar að finna sérsmíðaðar innréttingar úr vönduðum efnivið. Lúmex sá um lýsingarhönnun. 

Heimili Sigrúnar Rögnu og Eiríks er innréttað með vönduðum og góðum húsgögnum, listaverkum, ljósum og lömpum. 

Af fasteignavef mbl.is: Miðhús 33