Smartland Mörtu Maríu | Heimili og hönnun | mbl | 1.3.2024 | 6:00

Árni Hauks keypti 233 milljóna lúxusíbúð

Árni Hauksson, fjárfestir og piparsveinn, hefur fest kaup á vandaðri íbúð í 101 Reykjavík. Samsett mynd

Fjárfestirinn og einn heitasti piparsveinn Íslands, Árni Hauksson, festi kaup á glæsiíbúð við Geirsgötu 16. janúar á þessu ári. Íbúðin er sérlega glæsileg og vönduð og stór eða 177,5 fm að stærð.

Íbúðirnar við Austurhöfn eru vinsælar hjá hinum efnameiri en helstu auðjöfrar eiga íbúðir í nærliggjandi húsum.

Íbúðin er vel búin sérsmíðuðum innréttingum úr amerískri hnotu sem kemur frá ítalska handverkshúsinu Gili Creations. Innréttingarnar eru að finna í eldhúsi, á baðherbergjum og fataskápum. Kvarts borðplötur eru við eldhúsvask og marmaraflísar prýða eyjuna. Íbúðin er á fjórðu hæð og opnast lyfta beint inn í íbúðina.

Fjallað var um sambærilega íbúð í Heimilislífi á Smartlandi 2020.

Frétt af mbl.is

Innlit í eina heitustu íbúð landsins

Árni og Inga Lind Karlsdóttir, eigandi Skot Productions, fóru í sitthvora áttina síðasta haust og eru nú lögskilin. Hjónin bjuggu saman í glæsihúsi við Mávanes en það er nú alfarið í eigu Ingu Lindar.

Árni greiddi 233.000.000 kr. fyrir íbúðina og er fluttur inn. Árni stendur í ýmsum fjárfestingum þessa dagana. Á dögunum festi hann kaup á smart sumarhúsi og setti einbýlishús sitt á Akureyri á sölu. Það er því ekki hægt að segja annað en það sé líf og fjör í heimabankanum.