Óttar lögmaður keypti lúxusíbúð með himinhárri lofthæð

Óttar Pálsson lögmaður og meðeigandi á lögfræðistofunni LOGOS hefur fest kaup á lúxusíbúð í Garðabænum. Um er að ræða íbúð á efstu hæð í húsi sem reist var 2008 sem býr yfir miklum töfrum eins og til dæmis 4,2 fm lofthæð sem er telst harla óvenjulegt. 

Frétt af mbl.is

4,2 metra lofthæð í lúxusíbúð í Garðabæ

Íbúðin sem Óttar festi kaup á er 115 fm að stærð og hefur verið gerð upp. Stofa og eldhús renna saman í eitt og mynda fallega heild. Rétt fyrir utan gluggann er hin eftirsótta ylströnd Garðabæjar þannig að þegar hlýna tekur getur Óttar farið að stunda sjósund. 

Íbúðin við Löngulínu hefur að geyma ótal mörg falleg smáatriði eins og stóra glugga og fiskibeinaparket.

Risa­stór­ir glugg­ar prýða íbúðina og í eld­hús­inu eru svart­ar inn­rétt­ing­ar með svört­um höld­um. Flís­ar með marm­ara­áferð lyfta eld­hús­inu upp á næsta stig og það ger­ir líka borðplat­an sem prýðir eyj­una en hún er úr steini. 

Óttar keypti íbúðina af Arnþóri Inga Kristinssyni og Sóleyju Þorsteinsdóttur. Gildandi fasteignamat íbúðarinnar er 91.050.000 kr. 

Smartland óskar Óttari til hamingju með nýju íbúðina! 

• Blogga um frétt