Húsin á Flötunum í Garðabæ eru eftirsótt. Á dögunum var einbýlishús við Sunnuflöt 37 auglýst til sölu og var verðmiðinn á þessu 278 fm einbýlishúsi 225.000.000 kr. Nú hefur húsið verið selt á 215.000.000 kr. eða 10 milljónum undir ásettu verði.
Húsið var byggt 1965 og hefur verið endurnýjað mikið á síðustu árum.
Eldhús og stofa renna saman í eitt og er vegleg innrétting í eldhúsinu sem er úr spónlagðri eik. Hnausþykkur marmari prýðir eyjuna í eldhúsinu og eru hillur í eldhúsinu fyrir gluggunum sem eru ekki mjög eldhúslegar. Þær skapa hinsvegar fallega dýpt og gera það að verkum að yfirbragðið er öðruvísi.