HönnunarMars stendur sem hæst um alla borg en hátíðin var opnuð formlega á miðvikudaginn. Á HönnunarMars sýna hönnuðir afurðir sínar og kynna hugvit sitt fyrir landsmönnum. Það þýðir þó ekki að hanna eitthvað stórkostlegt ef enginn kaupir hönnunina. Í dag verða peningar og hönnun til umfjöllun í Landsbankanum þar sem reynslumiklir einstaklingar úr heimi hönnunar og fjárfestinga verða með erindi.

Erik Rimmer, ritstjóri danska hönnunartímaritsins BO BEDRE, er heiðursgestur viðburðarins en með erindi verða Ragna Sara Jónsdóttir stofnaði FÓLK, Martta Louekari samskiptastjóri hjá JUNI, Heiðdís Inga Hilmarsdóttir, verkefnastjóri í sjálfbærnimálum Krónunnar og Sigga Heimis hönnunarstjóri. 

Á viðburðinum verður fjallað um tækifærin sem felast í að fjárfesta í hönnun og mikilvægi þess. Hvers vegna á að fjárfesta í hönnun og hvernig fara hönnuðir að því að sækja sér fjármagn? 

Eftir erindin verða panelumræður. Maria Porro, forseti ítölsku hönnunarvikunnar Salone del Mobile, Marta Hermannsdóttir fjárfestingastjóri hjá Eyri, Erik Rimmer, Ragna Sara Jónsdóttir hjá Fólk og Martta Louekari samskiptastjóri hjá JUNI taka þátt í umræðunum. 

Sætaframboð er takmarkað og skráning nauðsynleg. Tryggðu þér sæti hér.

Viðburðurinn er í nýjum höfuðstöðvum Landsbankans. mbl.is/Eggert Jóhannesson

Tengdar fréttir

HönnunarMars

Íslensku hugviti fagnað í Kaupmannahöfn

• „Ég lærði það í New York að allt er hægt“
• Átt þú feik Knot-púða og langar í ekta?
• Best klædda fólk landsins lét sig ekki vanta til Ýrúrarí
• Heiðrar íslenska fiskinn á HönnunarMars

» Fleiri tengdar fréttir

Hönnun

Inga Birna og Guðmundur selja lúxushús í Mosfellsbæ

• Bjóða fólki að setja gamlar hönnunarflíkur upp í nýjar
• Myndaveisla: Hönnunarverðlaun Íslands
• Glæsihús í Garðabæ selt á 350 milljónir án auglýsingar
• Félag Björgólfs Thors selur lúxusíbúð við höfnina

» Fleiri tengdar fréttir

• Blogga um frétt