Magnús Sigurbjörnsson for­stöðumaður Rann­sókn­ar­set­urs versl­un­ar­inn­ar (RSV) hefur sett glæsilega íbúð sína við Kolagötu í Reykjavík á sölu. Magnús og kærasta hans, Aðalbjörg Guðmundsdóttir námsráðgjafi í Háskóla Íslands, hafa komið sér vel fyrir í íbúðinni ásamt syni sínum, en nú hyggjast þau flytja og því er íbúðin komin á sölu. 

Um er að ræða 81 fm íbúð sem er í einu af húsunum við Hafnartorg í Reykjavík en húsið var reist 2018. 

Í eldhúsinu er hvít innrétting með corian-borðplötu og myndarlegri eyju með helluborði og vínkæli. Gott skápapláss er í eldhúsinu og ná skáparnir upp í loft sem eykur fegurðina. Eldhúsið og stofan eru í opnu rými og er pláss fyrir stórt borðstofuborð og auðvitað stofuhúsgögn. Út af rýminu eru skjólsælar svalir sem snúa í suður. 

Heimili Magnúsar og Aðalbjargar er smekklega samsett með fallegum húsgögnum og listaverkum. Gólfsíðar gardínur setja svip sinn á íbúðina en þær eru með nýtískulegri rykkingu sem er móðins núna.

Í íbúðinni eru tvö baðherbergi með vel hönnuðum hvítum innréttingum og marmaraflísum á veggjum. 

Sjá nánar á fasteignavef mbl.is: Kolagata 1