Nú þegar sumarið er formlega hafið styttist í að litagleðin aukist í görðum og á heimilum landsmanna með fallegum sumarblómum. Rétt eins og með hönnun og tísku þá sveiflast vinsældir blómategunda frá ári til árs, en nú hafa garðyrkjusérfræðingar hjá 1-800-Flowers tilkynnt blóm ársins 2024. 

Bóndarósin er blóm ársins 2024 og spá garðyrkjusérfræðingar því að sú blómategund verði sú allra heitasta í ár. Bóndarósin er tignarleg og undurfögur og ber í flestum tilfellum stór blóm í hinum ýmsu litum. 

Hin undurfagra bóndarós hefur verið valin blóm ársins 2024. Ljósmynd/Unsplash/Ellie Ellien

Þægileg í ræktun og langlíf

Blóm ársins er ekki bara vinsælt í görðum heldur einnig í blómavöndum til skreytinga innanhúss og í brúðarvöndum. Sú tegund bóndarósar sem er algengust í görðum hér á Íslandi kallast Paeonia officinalis á latínu, en plantan þykir þægileg í ræktun og er langlíf. 

Við valið á blómi ársins var bæði horft til fegurðar bóndarósarinnar en einnig til merkingar blómsins. Þá höfðu vinsældir blómsins sitt að segja, en þær hafa aukist mikið að undanförnu og hafa flestir leitað að upplýsingum um þessa blómategund á síðu garðyrkjusérfræðinganna hjá 1-800-Flowers.

Bóndarósin þykir þægileg og auðveld í ræktun. Ljósmynd/Unsplash/Anita Austvika

Tengdar fréttir

Garðurinn

Ágúst Ólafur fékk gullregn í morgungjöf frá Jóhönnu

• „Við viljum frekar gera þetta rólega og njóta þess“
• Notar jarðarberjaplöntur til að minnka arfann
• Fengu hugmyndina að garðhúsinu í eigin brúðkaupi
• Upplifir frelsistilfinningu í garðvinnunni

» Fleiri tengdar fréttir

• Blogga um frétt