Við Hverfisgötu í Reykjavík standa eignir í hinum ýmsu stærðum og gerðum. Þar á meðal er snotur 39 fm íbúð á fimmtu og efstu hæð í afar snyrtilegu fjölbýlishúsi sem reist var árið 2019. Ásett verð er 57.900.000 krónur sem þýðir að hver fermeter kostar 1.484.615 krónur. 

Íbúðin er björt og opin með aukinni lofthæð og stórum gluggum sem veita útsýni annars vegar yfir borgina og hins vegar til sjávar og fjalla. 

Í eigninni er að finna opið alrými með eldhúsi, borðkróki og sófa, svefnherbergi, baðherbergi og forstofu. Frá alrýminu er svo útgengt á 7,5 fm svalir sem snúa í suður. 

Eldhúsið er stílhreint með fínu skápaplássi. Ljósmynd/Af fasteignafef mbl.is

Hverfisgata níunda dýrasta gata miðborgarinnar

Það vekur iðulega athygli þegar fermetraverð fer yfir milljón krónur, en á tímabilinu 20. mars 2023 til 20. mars 2024 var Hverfisgata níunda dýrasta gatan í miðborg Reykjavíkur þegar horft er á meðalfermetraverð.

Á þessu tímabili voru 19 samningar þinglýstir og var meðalfermetraverð í götunni 984.000 krónur samkvæmt vef Expectus.

Sjá á fasteignavef mbl.is: Hverfisgata 44

Frá íbúðinni er fallegt útsýni, m.a. yfir miðborgina. Ljósmynd/Af fasteignavef mbl.is

Tengdar fréttir

Heimili

Eva Pandora og Helgi Hrafn keyptu sér 130 milljóna parhús

• Sólveig og Jakob keyptu íbúð í sömu götu og vinirnir
• Einstakt eldhús eftir Rut Kára lyftir húsi í Mosó upp í hæstu hæðir
• Einbýlishús í Fossvogi selt á undirverði
• Keyptu höll Össurar heitins á undirverði

» Fleiri tengdar fréttir

Hugmyndir fyrir heimilið

179,9 milljóna hönnunarperla á þremur hæðum

• 10 hlutir sem skapa sumarstemningu á heimilinu
• Keyptu óvænt íbúð í Stykkishólmi og gerðu hana upp frá a til ö
• 10 íslenskir hlutir sem fagurkera dreymir um
• Dreymir þig um að eiga 2.800 fm sveitasetur í Grímsnesi?

» Fleiri tengdar fréttir

• Blogga um frétt