Hjónin Jón Ragnar Jónsson, tónlistarmaður og hagfræðingur, og Hafdís Björk Jónsdóttir tannlæknir hafa fest kaup á glæsilegu húsi á Seltjarnarnesi. Húsið er 322 fm að stærð og stendur á einstökum útsýnisstað við sjóinn. Húsið er við Hamarsgötu 4 en við götuna eru aðeins þrjú hús.

Einhver myndi segja að Hamarsgata væri dýrasta leynigata bæjarfélagsins en á lóðunum á númer 6 og 8 var byggt eitt hús sem er í eigu Kára Guðjóns Hallgrímssonar, eiginmanns Friðriku Hjördísar Geirsdóttur fjölmiðlakonu.

Hamarsgata komst í fréttir þegar Kári lét rífa húsið á númer 8. Seinna stöðvaði Seltjarnarnesbær framkvæmdirnar. 

Frétt af mbl.is

Kári Guðjón lét rífa hús á Seltjarnarnesi

Frétt af mbl.is

Seltjarnarnesbær stöðvaði framkvæmdir fjárfestis

Hjónin keyptu húsið af Kristínu Bernhöft og greiddu 290.000.000 kr. fyrir það. 

Húsið er á pöllum og var reist 1978 eða sama ár og Dallas-þættirnir voru sýndir í sjónvarpinu. Allar innréttingar í húsinu eru upprunalegar og sérlega vandaðar. Í eldhúsinu er korkur á gólfunum en í stofum er parket.

Fallegur arinn er í stofunni og eru gluggar stórir og myndarlegir. Jón og Hafdís keyptu húsið 7. júní og fá það afhent 15. ágúst. 

Húsið við Hamarsgötu 4 er á pöllum og státar af einstöku útsýni út á sjó.

Húsið var reist 1978.

Fundu sig á Seltjarnarnesi 

Hjónin hafa fest rætur á Seltjarnarnesi en þau bjuggu áður í timburhúsi við Lindarbraut sem áður var í eigu Ragnheiðar Pétursdóttur Melsted. Hanna Stína innanhússarkitekt hannaði innréttingar inn í húsið sem eru afar smekklegar og alveg í takt við anda hússins. 

Frétt af mbl.is

Jón Jónsson og Hafdís selja 182 milljóna einbýli

Hjónin seldu húsið samhliða kaupunum á Hamarsgötu og er nýr eigandi hússins Daði Laxdal Gautason en hann keypti húsið í félagi við móður sína. 

Frétt af mbl.is

Daði Laxdal keypti húsið af Jóni Jóns og Hafdísi

Smartland óskar þeim til hamingju með nýja húsið!

Hér sjást húsin þrjú við Hamarsgötu og er hús Jóns og Hafdísar fyrir miðju.

Tengdar fréttir

Heimili

Magnús og Elín selja glæsiíbúð við Tjörnina

• Máni og Guðrún Valdís selja tvær eignir í sama húsi
• Kolbeinn seldi lúxusíbúð á 208 milljónir
• Útsýnisíbúð í Sigvaldahúsi til sölu á 89 milljónir
• „Ef þú stendur ekki fyrir neitt, þá fellur þú fyrir öllu"

» Fleiri tengdar fréttir

Hverjir fluttu hvert

Máni og Guðrún Valdís keyptu 153 milljóna íbúð

• Kolbeinn seldi lúxusíbúð á 208 milljónir
• Félag Sigmars Páls keypti 230 milljóna Garðabæjarslot
• Blokkaríbúð í Kópavogi seld á 270 milljónir
• Aron Pálmarsson seldi húsið sem hann keypti í fyrra

» Fleiri tengdar fréttir

• Blogga um frétt