Rut Káradóttir innanhússarkitekt hannaði nýtt eldhús inn í 180 fm einbýli í Mosfellsbæ. Eldhúsið setur mikinn svip á húsið sem reist var 1977. 

Innréttingar eru úr dökkum við og eru hurðirnar með fræsuðum röndum sem liggja lóðrétt. Í eldhúsinu er tangi með hnausþykkri steinborðplötu sem hefur að geyma heillandi lýsingu. Í eldhúsinu er risastór tvöföl eldavél og stór háfur svo hægt sé að elda heilmikið magn af mat í einu. Við háfinn eru léttar hillur og svo er stöng undir sem hægt er að hengja eitthvað á eins og handklæði eða pönnur. 

Í húsinu fá ýmsir tískustraumar frá 1977 að njóta sín eins og hraunaðir veggir og bogadregið hurðarop. 

Heimilið er búið fallegum húsgögnum í mjúkum litum eins og tveimur svönum eftir Arne Jacobsen í ullarefni og Ethnicraft sófanum úr Tekk Company. Þar er líka Eames-stóll í svörtu leðri og ýmislegt fallegt sem prýðir og kitlar fegrunarskinið. 

Sjá nánar á fasteignavef mbl.is: Byggðarholt 20

Bogadregnar línur í hurðaropi minna á byggingarár hússins.

Eames-stóll kúrir á besta stað í stofu.

Tengdar fréttir

Heimili

Eva Pandora og Helgi Hrafn keyptu sér 130 milljóna parhús

• Sólveig og Jakob keyptu íbúð í sömu götu og vinirnir
• Einbýlishús í Fossvogi selt á undirverði
• Keyptu höll Össurar heitins á undirverði
• Ágústa hans Gulla Helga selur húsið

» Fleiri tengdar fréttir

Hönnun

Ómar selur Eames-stól vegna plássleysis

• Ný stjórnarkona í Sýn selur lúxushöll í Garðabæ
• Jón og Hafdís seldu húsið á yfirverði
• Skattakóngar seldu 385 milljóna glæsiíbúð
• Alltaf verið markmiðið að stofna eigið fatamerki

» Fleiri tengdar fréttir

• Blogga um frétt