Björn Skaftason arkitekt hannaði einstaka 229 fm lúxusíbúð við Bæjarlind 7 í Kópavogi. Íbúðin er á efstu hæð í blokk sem reist var 2017 og státar af miklum íburði. Glæsilegar innréttingar, vönduð húsgögn og eftirsótt listaverk prýða íbúðina. Inni í íbúðinni er mannhæðarhá stytta eftir Steinunni Þórarinsdóttur og bronslitaður köngull eftir Louis Poulsen. 

Það er kannski ekkert skrýtið að íbúðin sé íburðarmikil og smart því hún er í eigu Kristbjargar Sigurðardóttur, móður Sindra Sindrasonar fjölmiðlamanns sem heldur úti þættinum Heimsókn á Stöð 2. Árið 2021 tók Sindri viðtal við arkitektinn Björn Skaftason, sem hannaði íbúðina, á heimili foreldra sinna þar sem þessari glæsilegu hönnun voru gerð góð skil. 

Tvö eldhús! 

Í íbúðinni eru tvö eldhús. Eitt sparieldhús og eitt innra eldhús eða vinnueldhús. Allar innréttingar í íbúðinni eru sérsmíðaðar hjá Hegg og eru sumar úr hnotu og aðrar úr bæsaðri eik. Þær fara vel með háglansandi marmaranum sem prýðir eyjuna í eldhúsinu og rímar vel við marmaraflísarnar á gólfinu í íbúðinni. 

Á öðru baðherberginu mætast svartar og hvítar marmaraflísar og líka hnota, speglar og sérhönnuð lýsing sem Lúmex kallaði fram. 

Sjá nánar á fasteignavef mbl.is: Bæjarlind 7