Ása og Emil keyptu draumahús í Fossvogi
Setja bókamerki
Ása María Reginsdóttir og Emil Hallfreðsson hafa fest kaup á eigulegu einbýlishúsi í Fossvogi. Emil er þekktur fótboltamaður og hafa hjónin búið á Ítalíu um margra ára skeið þar sem hann hefur spilað fótbolta. Hjónin hafa svo sameinað krafta sína með því að flytja inn ólífuolíur, appelsínur frá Ítalíu og aðrar heilsusamlegar lífrænar vörur til landsins. Nú síðast opnuðu þau veitingastaðinn Olifa við Suðurlandsbraut sem selur ljúffengar pítsur.
Hjónin hafa búið í Garðabænum þegar þau eru á Íslandi en Emil er skráður eigandi húss við Kinnargötu í bæjarfélaginu. Nú hafa þau hins vegar keypt einbýlishús saman.
Um er að ræða 366,7 fm einbýlishús sem er innst í götunni við Bjarmaland. Húsið var byggt 1970. Árið 2006 var húsið stækkað og hannaði arkitektastofan Gláma Kím breytingarnar. Það eru sömu arkitektar og hönnuðu einbýlishús Ingu Lindar Karlsdóttur sem er dýrasta hús sem selt hefur verið á Íslandi.
Húsið er alveg við Fossvogsdalinn og gengu breytingarnar á húsinu út á það að hækka nýtingarhlutfall hússins vegna kjallara undir húsinu.
Þegar breytingar á húsinu voru samþykktar árið 2006 kom fram að breytingar yrðu gerðar innanhúss en að utan gengu þær út á að skapa rými fyrir framan aðalinngang með því að færa inngangshurð innar og færa bílgeymsluhurð utar og stækka húsið. Í gögnum frá skipulagsstofnun kom fram að útlitsbreyting væri lítil.
Ása María og Emil keyptu húsið af Eyjólfi Baldurssyni og Þórdísi Sigurgeirsdóttur sem reka verslunina Eirvík sem selur ýmis raftæki og innréttingar. Fyrir húsið greiddu Ása María og Emil 330.000.000 kr. og var húsið selt af fasteignasölunni Eignarmiðlun. Það var aldrei auglýst til sölu.
Smartland óskar Ásu Maríu og Emil til hamingju með einbýlið!
Tjá sig ekki um skoðanir einstakra starfsmanna
Segir sóðaskapinn ekki íbúum að kenna
Sakar ráðherra um uppgjöf
Óvissa undir Ásmundi: „Sorglegt og alvarlegt“
Tómur bílaleigubíll fundinn: Ræsa út leitarhunda
Bera fyrir sig breytingar og nýja stofnun
Spurt og svarað
húðlæknir á Húðlæknastöðinni svarar spurningum lesenda
sálfræðingur á Sálfræðistofunni Sálarlíf svarar spurningum lesenda
einstaklings- og fjölskylduráðgjafi svarar spurningum lesenda
Klínískur félagsráðgjafi hjá Lausninni
hjúkrunar- og kynfræðingur svarar spurningum lesenda
svarar spurningum um lögfræðileg mál