Húseignin Markarflöt 9 er komin aftur í sölu en félagið Reykjanes Investment festi kaup á húsinu í fyrra. Húsið er teiknað af Kjartani Sveinssyni og þykir afar glæsilegt en það er staðsett í einu vinsælasta hverfi Garðabæjar.
Núverandi eigendur greiddu 220.000.000 fyrir húsið í desember á síðasta ári. Félagið Reykjanes Investement ehf. er í eigu Kjartans Páls Guðmundssonar, Viktoríu Hrundar Kjartansdóttur, Magnúsar Guðmundssonar og Sigurgeirs Rúnars Jóhannssonar. Hver og einn á 25% hlut í félaginu.
Samkvæmt fasteignavef mbl.is vilja eigendurnir nú fá 209.000.000 fyrir húsið.
Húsið er 251 fm á tveimur hæðum og hefur verið mikið endurnýjað. Stíllinn á heimilinu er flottur, tímalaus og er prýtt stórum gluggum sem hleypa mikilli birtu inn. Í kringum húsið er stór, gróinn og skjólsæll garður.