Tindur keypti einbýli með stuðlabergshjónarúmi

Tindur Jónsson athafnamaður hefur fest kaup á 307,7 fm einbýlishúsi við Furulund í Garðabæ. Húsið vakt mikla athygli þegar það var fyrst auglýst til sölu á vordögum 2021.

Mögulega vakti það athygli vegna hjónarúms úr stuðlabergi sem prýddi hjónaherbergið. Stuðlabergið var ekki sparað í húsinu því það prýðir ekki bara hjónarúm heldur líka gólfin í húsinu að hluta til og fer ágætlega við eikar-innréttingar sem prýða eldhúsið.

Húsið var reist 1972 og státar af óvenjulegum byggingarstíl eins og krosslaga gluggum og frístandandi arni sem er úti á miðju stofugólfi. Hönnun á arninum er frumleg en þar mætast bæði stuðlaberg og járn sem er skreytt með sérstöku munstri. 

Tindur greiddi 153.000.000 kr. fyrir húsið sem hann keypti af Sigurbirni K. Haraldssyni. 

Tindur bjó áður við Álalind í Kópavogi þar sem hann var eigandi af 138,7 fm íbúð sem er í blokk sem reist var 2017. Óliver Daðason festi kaup á íbúðinni á dögunum og greiddi fyrir hana 158.000.000 kr. 

Smartland óskar Tindi til hamingju með nýja húsið!