Smartland Mörtu Maríu | Heimili og hönnun | mbl | 4.9.2024 | 16:00

Matilda Djerf opnaði heimilið fyrir Vogue

Sænska tískugyðjan Matilda Djerf á fallegt heimili í Stokkhólmi. Samsett mynd

Á undanförnum árum hefur sænska tískugyðjan Matilda Djerf heillað heimsbyggðina með skandinavískri fagurfræði sinni. Hún er þekkt fyrir stílhreinan og afslappaðan fatastíl sinn og heldur úti tískuvörumerkinu Djerf Avenue.

Frétt af mbl.is

Matilda Djerf deilir tískuráðum

Djerf er þó ekki einungis smekkleg þegar kemur að fatastílnum heldur einnig heimilisstíl hennar. Á dögunum fékk tískutímaritið Vogue innlit í íbúð hennar í Stokkhólmi.

Eignin er staðsett í húsi sem reist var árið 1890 og býr yfir miklum sjarma. Djerf flutti inn í íbúðina í febrúar síðastliðnum ásamt sambýlismanni sínum, Rasmusi Johansson, og hundinum þeirra. Síðan þá hafa þau gert íbúðina að sinni og er óhætt að segja að útkoman sé glæsileg.

Varð strax heilluð af eiginleikum íbúðarinnar

„Um leið og við Rasmus gegnum inn í þetta hús vissum við að það yrði að verða okkar,“ segir Djerf í viðtalinu. „Ég sá þrjá arna sem virkuðu, hver prýddur glæsilegum skreytingum, og ég bara vissi það ... Það er svo sjaldgæft að finna eiginleika eins og þessa ósnortna í Svíþjóð. Ég býst við að þessi íbúð hafi fengið að sleppa undan drapplituðu naumhyggjustefnunni,“ bætir hún við.

Djerf og Johannson vildu leggja áherslu á að rými íbúðarinnar væru með rólegu yfirbragði um leið og þau væru hlýleg og notaleg. Á heimilinu mætast nýir og gamlir straumar og skapa einstaka stemningu. Þá skín persónuleiki Djerf einnig í gegnum eignina þar sem hin ýmsu skemmtilegu og litríku smáatriði fá að njóta sín.