Við Hvítárskóg í landi Húsfells í Reykholti stendur glæsilegur 374 fm sumarbústaður á tveimur hæðum sem reistur var árið 2008. Húsið stendur á tveimur samliggjandi lóðum sem eru alls um 3.117 fm að stærð.

Eignarhaldsfélagið Þorpið 6 ehf., sem þau Áslaug Guðrúnardóttir, Guðný María Jóhannsdóttir, Runólfur Ágústsson og Sigurður Smári Gylfason eru í forsvari fyrir, keypti húsið í árslok 2023 á 140.000.000 krónur, en afsal hefur ekki farið fram. 

Tvö hús eru á lóðinni, annars vegar rúmgóður sumarbústaður með rými fyrir um 14 til 16 manns, og hins vegar gríðarstórt frístundarhús. Gráir tónar eru í aðalhlutverki í sumarhúsinu bæði að innan og utan. Aðkoman að húsinu er afar snyrtileg, en við húsið er einnig flottur sólpallur með heitum potti.

Í frísundahúsinu er mikil lofthæð, en þar hefur hinum ýmsu tækjum verið komið fyrir, þar á meðal pool-borði, þythokkí-borði, boðtennisborði, fótboltaspili og píluspjöldum.

Þá eru fótboltatreyjur eftir öllum veggjum hússins, en af myndum að dæma eru eigendurnir miklir Liverpool-aðdáendur. Ásett verð er 225.000.000 krónur. 

Sjá á fasteignavef mbl.is: Hvítárskógur 8