Svava Johansen forstjóri NTC, sem rekur fjölmargar tískuverslanir í Reykjavík, bauð í teiti á dögunum þegar splunkuný GK Reykjavík var opnuð á Hafnartorgi. Svavar Örn hárgreiðslumeistari á Senter lét sig ekki vanta og heldur ekki Áslaug Arna Sigurbjörnsdóttir háskóla-, iðnaðar- og nýsköpunarráðherra og Ingibjörg Pálmadóttir athafnakona. 

Verslunin GK Reykjavík var áður á öðrum stað við Hafnartorg, nær Bæjarins bestu en er nú flutt nær höfninni eða í sama húsnæði og hýsir Hafnartorg Gallery mathöllina og fleiri verslanir. 

Það var boðið upp á veitingar í föstu og fljótandi formi og plötusnúðurinn Dóra Júlía sá um að skemmta gestum með kanínueyrun á sínum stað.