172 milljóna raðhús í Fossvogi vekur athygli

Við Giljaland í Reykjavík er að finna sérlega eigulegt raðhús sem reist var 1968. Húsið, sem er á pöllum, er 235 fm að stærð og hefur verið endurnýjað mikið. 

Eldhúsið snýr í norður og hefur að geyma hvíta sprautulakkaða eldhúsinnréttingu með dökkum borðplötum. Á einum veggnum í eldhúsinu eru flísar með fiskibeinamunstri sem setur svip á rýmið. Á veggnum er bæði vifta og veggljós sem búa til nýtískulegt yfirbragð. 

Í eldhúsinu er gamaldags borðkrókur með hringlaga borði. 

Á pallinum fyrir ofan eldhúsið er stofa með stórum gluggum sem snúa í suður. Í stofunni er sérstakur bókahilluveggur sem er bæði hægt að nota undir bækur en líka undir skrautmuni. 

Sjá nánar á fasteignavef mbl.is: Giljaland 13