Heimir Fannar Hallgrímsson fasteignasali á Lind fasteignasölu hefur sett glæsilega íbúð sína við Drómundarvog á sölu. Um er að ræða 145 fm efstu hæð í blokk sem reist var 2022. Fallegt útsýni er úr íbúðinni yfir Elliðavoginn og smábátahöfnina Snarfara. Líka Móskarðshnjúka. Ásett verð er 160.000.000 kr. og er fasteignamat íbúðarinnar 109.700.000 kr. 

Eldhús og stofa eru í sameiginlegu rými. 

Í eldhúsinu eru innréttingar úr hnotu og er Infinity Brown náttúrusteinn á eldhúsinnréttingunni. Í innréttingunni er vínkælir og eru bókahillur í eyjunni sem er nokkuð sniðugt. 

Heimili Heimis er einstaklega vel heppnað. Klassísk húsgögn prýða íbúðina í bland við nýmóðins hönnun. Allt fer þetta vel á fiskibeinaparketinu sem er á gólfinu og líka við verkið sem prýðir vegginn fyrir ofan sófann í stofunni. 

Sjá nánar á fasteignavef mbl.is: Drómundarvogur 2