Kári og Erla keyptu í Ingu Lindar-blokkinni

Lýtalæknirinn Kári Knútsson og Erla Þórunn Ólafsdóttir, fyrrverandi bankastarfsmaður, hafa fest kaup á íbúð sem er í blokk við Laugaveg 168 eða á Heklureitnum eins og húsið kallast. Þau verða því nágrannar Ingu Lindar Karlsdóttur, eiganda Skot Productions, sem festi kaup á efstu hæð hússins á síðasta ári. 

Íbúðin sem Kári og Erla festu kaup á er 114 fm að stærð og fá þau íbúðina afhenta í september á þessu ári. Þau greiddu 139.900.000 kr. fyrir íbúðina. 

Inga Lind Karlsdóttir greiddi 380.000.000 kr. fyrir þakíbúðina við Laugaveg 168a. Samsett mynd

Frétt af mbl.is

Inga Lind greiddi 380 milljónir fyrir glæsiíbúðina

Seldu íbúðina með húsgögnum

Kári og Erla seldu íbúð sína við Bryggjugötu 2 á dögunum en hún er 178,8 fm að stærð. Íbúðirnar við Bryggjugötu eru dýrar og vandaðar og fengu þau 330.000.000 kr. fyrir hana. Með í kaupunum fylgdi sófi, öll föst ljós önnur en ljósakróna yfir eldhúsborði. Þvottavél, þurrkari, borðstofuborð og barstólar fylgdu jafnframt með ásamt öllum veggföstum hillum og skápum í stofu. Rúmin sem voru í íbúðinni fylgdu líka með ásamt öllum gluggatjöldum. 

Smartland óskar þeim til hamingju með nýju íbúðina! 

• Blogga um frétt