Við Sunnubraut í Kópavogi stendur glæsilegt hús sem teiknað var af Guðmundi Þór Pálssyni arkitekt. Húsið var byggt árið 1965 og er 335 fm að stærð. Húsið vakti mikla athygli þegar það fór á sölu fyrir tæpum tveimur árum síðan en eigendur þess eru Arndís Björg Sigurgeirsdóttir bóksali og Bára Kristín Kristinsdóttir ljósmyndari. Húsið er nú komið aftur á sölu.

Af fasteignavef mbl.is: Sunnuvegur 46

Miklar endurbætur hafa verið gerðar á húsinu og býr það nú yfir nútímalegra yfirbragði. Húsið stendur á hornlóð með hrífandi útsýni. Í stofunni er einstakur arinn sem er klæddur með múrsteinum að hluta til. Núverandi eigendur sameinuðu svefnherbergi á efri og neðri hæð til að skapa stærri alrými. Þrjú svefnherbergi og þrjú baðherbergi eru í húsinu.